Inlawlawag ni House Committee on Justice chairperson ken Batangas Rep. Gerville Luistro nga iti target a panangisayangkat ti binnotos iti articles of impeachment kontra kenni Bise Presidente Sara Duterte inton Mayo 11 ket nakabasar iti desision ti Korte Suprema nga addaan panggep nga ikkan ti due process dagiti respondents.
Segun kenni Luistro, impaganetget ti korte a masapul a maipaayan ti umdas a panawen dagiti mammanday-linteg a mangbasa ken maadal dagiti articles of impeachment ken ebidensia sakbay ti botos, maysa a kinakurang a nakaibasaran iti pannakaibasura ti umuna nga impeachment attempt kontra iti Bise Presidente.
Kenuna pay ti mammanday-linteg a no maited a dagus dagiti kopia committee report, umdasen ti lima nga aldaw tapno maadal daytoy sakbay ti binnotos.
Innayon ni Luistro a maaddaan ti sponsorship speech, interpellations, ken motion para iti binnotos no natalantanen ti report iti plenario.###
