Sinungbatan manen ni Philippine Coast Guard spokesperson for the West Philippine Sea Rear Admiral Jay Tarriela dagiti waragawag ni Senador Robin Padilla, kasaruno ti isyu ti AI-generated video ti Chinese state media a nangiladawan kadagiti Filipino kas bakes wenno sunggo.
Segun kenni Tarriela, awan pakainaigan dagiti inbagbaga ni Padilla maipapan iti panagbalin a “puraw” iti isyu ti maipagarup a racist video.
Kenunana a ti rumbeng a makondenar ket ti China a nangaramid ken nangiwaras iti nasao a material.
Nasdaaw met daytoy idi isuna na latta iti pabpabasolen ti senador ken saan a ti pagilian a nangaramid ti maka-insulto a video.
Inlawlawag ni Tarriela nga awan ti panggepna nga usaren iti sigud a lekturana a nangipakita ti karikatura ni Chinese President Xi Jinping kas pagarigan ti wartime propaganda ken kenunana a nabayagen a nalpas daytoy.
Inpaganetget na a saan a rumbeng a matikaw ni Padilla gapu ta saan nga isuna iti kalaban iti isyu ken awan met ti panggep na banatan iti senador.###
