LA UNION – Nakabaluden ti maysa a tattoo artist a natiliwan a maipagarup nga aglaklako iti shabu ken agik-ikot iti paltog idiay Barangay San Agustin, syudad ti San Fernando, La Union.
Nabigbig ti suspek a ni Jestoni Madriaga, 32, residente iti Barangay Poro ti nasao a syudad.
Naammuan ti Bombo Radyo iti San Fenando City Police, tallo a sachet a naglaon iti maatap a shabu, buy bust money ken revolver pistol a cal .38 iti nakompiskar manipud iti ikot ti suspek.
Kaso a panaglabsing iti Comprehensive on Dangerous Drugs Act ken illegal possession of firearm and ammution ti sangsanguen a reklamo ni Madiraga.
Kabayatanna, pinaglibakan met ti suspek a kukuana dagiti nasao a banag.
