LA UNION – Sumangsango iti kaso a panaglabsing ti R.A. 10591 wenno Comprehensive Law on Firearms and Ammos, iti maysa a tattoo artist kalpasan a makumpiskaran iti bala ti paltog.
Babaen iti bileg ti search warrant nga impaulog ni Judge Imelda Cosalan ti MTCC Branch 1, San Fernando City, La Union sinukimat dagiti otoridad iti pagnanaedan ti suspek, a managan Jestoni Madriaga, 32, addaan ti asawa, agindeg ti Barangay Poro, San Fernando City, La Union
Kas resulta iti operasyon, nakakumpiskar dagiti otoridad iti tallo a bala ti cal. 38 a paltog.
Iti suspek ket dagus a naipasidong iti custodiya ti San Fernando City Police para iti umno a disposisyon.
