LA UNION – Arestado ti maysa a tattoo artist iti naisayangkat a search operation ti nagtipon a puersa ti Philippine Drug Enforcement Agency (PDEA) ken San Fernando City Police idiay Brgy. Cadaclan ditoy siudad itay agsapa.
Nabigbig ti natiliw a ni JV Dumaguin, 25-anyos, residente iti nasao a lugar.
Nakumpiskar iti pagtaengan da Dumaguin ti dua a sachet a naglaon ti shabu ken aluminum foils.
Nakabalud itan ti suspek para iti naan-anay nga imbestigasion.
Kabayatanna, impaganetget ni Dumaguin a nakasagana daytoy a maipasidong iti drug test tapno paneknekanna a saan nga agar-aramat iti illegal a droga.
