LA UNION – Sumangsango iti kaso a panaglabsing iti Act of Lasciviouness ti maysa a mannursuro kalpasan daytoy nga arestaren ti Burgos Police Station ken dadduma pay nga unit ti kapulisan idiay Burgos La Union.
Nabigbig ti suspek a ni Benedict Supsopen, 25, baro, teacher by profession ken residente ti Barangat Ambaraco Norte idiay ili ti Naguilian ditoy probinsya.
Immuna ditoy, nangisayangkat ti operasyon dagiti otoridad iti bileg ti warrant of arrest nga impaulog ni Presiding Judge Mia Joy Olares ti Regional Trial Court Branch 4 iti Baguio City id Hulyo 30, 2018.
Naamuan a maysa nga 14 anyos ti maipagarop a nagbalin a biktima ti suspek.
Iti agdama, agtaltalinaed iti kustodiya ti Baguio City Station 5 ti suspek kabayatan a madingdingeg ti kaso na.
Dumanon met ti P100,000 iti nailatang a piyansa kontra iti suspek para iti temporaryo a pannakawayawa daytoy.
