LA UNION – Nagpanawagan iti Bombo Radyo La Union iti maysa a teacher iti siasinuman a nakapidot iti pouch bag na nga isubli iti napapateg nga Identification Cards (IDs) ken dokumento a linaun daytoy.
Iti interview ti Bombo Radyo kenni Teacher Rowlyn Ordinario, 37, addaan asawa, residente ti Barangay Catbangen, kinuna na a posible a natinnag ti pouch na idi agawid dan a mangngaldaw.
Kinuna na a ti black pouch na ket maipagarop a naglaun ti P10,000 kabilang iti dua nga iPhone, IDs ken pertinente a dokumento.
Kinuna na pay nga ited na laengen ti nasao a kantidad kas gunguna gaputa iti napateg ket maisubli kenkuana dagiti IDs ken cards daytoy.
