Rimmuar ti panagbuteng iti kumarkaro a tension idiay Strait of Hormuz kalpasan nga inpadamag ti maysa nga international organization dagiti independent tanker owners a dakkek ti bimmabaan iti bilang dagiti barko a dumaldalyasat iti napateg a rota pangbaybay.
Manipud iti kadawyan a nasurok-kumurang 130 a barko iti inaldaw sakbay a timpuar iti tension iti rehion, naipadamag nga adda iti single digits ti bilang dagiti barko a mangar-aramat iti Strait of Hormuz kasaruno dagiti kabaruan a panagsinnukat ti airstrike iti nagbaetan ti Estados Unidos ken Iran idi Mierkoles ken Huebes.
Segun iti militar ti Estados Unidos, tinamaan ti airstrikes da iti agarup 90 target militar idiay Iranm karaman dagiti sumagmamano a pasilidad nga adda iti asideg ti Strait of Hormuz. Kinunana a nairanta iti operasion a mangpakapsot iti abilidad ti Iran a mangisayangkat iti panangraut kadagiti komersial a barko ken sibilian a lumasat iti ruta.
Pinasingkedan ti Iran a saan a bumaba iti 14 a tattao ti pimmusay iti kaudian a panagraut ti Estados Unidos. Impadamag met ti state media ti Iran nga adda dagiti lugar a natamaa asideg iti Bushehr Nuclear Power Plant, nupay saan awan pay ti opisial a waragawag iti Estados Unidos mainaig ditoy.
Kas sungbat, kenuna ti Islamic Revolutionary Guard Corps (IRGC) a rinaut da dagiti base militar ti Estados Unidos idiay Kuwait ken Bahrain, nga inladawan da a kas rugi laeng ti “punitive response.”
Nagpakdaar met ti IRGC a mangaramidda kadagiti baro a missile attack idiay Kuwait, Jordan, ken Iraq, nga addaan ti base militar ti Estados Unidos.
Kabayatanna, segun ti Iranian Ministry of Health, dimmanon iti 78 ti bilang dagiti nasugatan iti panagpabettak ti Estados Unidos idi Hulio 8 ken 9. Kadagitoy, 47 ti agtaltalinaed a naka-confine iti ospital.
Iti tengnga ti kumarkaro a krisis, kenuna ni U.S. President Donald Trump a kayat a makitulag manen ti Iran iti Estados Unidos, ngem nangiyebkas ti panagdudua.
Inlibak daytoy ni Iranian Foreign Minister Abbas Araghchi ken inapaganetget a sungbatan ti Iran dagiti addang ti Estados Unidos saan a babaen kadagiti naulpit a waragawag no di ket babaen kadagiti konkreto nga aramid.###
