Imbilin ti Senate Impeachment Court iti pannakaipaulog ti subpoena kontra iti dua nga opisial ti National Bureau of Investigation (NBI) tapno agtestigo mainaig iti Article IV ti impeachment case kontra kenni Bise Presidente Sara Duterte.
Pinalubusan ti Presiding Officer a ni Sen. Francis “Chiz” Escudero iti kiddaw ti prosekusion a paayaban ni NBI Regional Director Atty. Jeremy Lotoc ken Senior Agent John Mark Calilung.
Segun kenni House Prosecution Spokesperson Robert Ace Barbers, napateg iti testimonia dagitoy tapno mapaneknekan dagiti alegasion iti Article IV ken mapaneknekan ti dadduma pay nga ebidensia a maiparang iti impeachment court.
Inikkan ni Escudero ti gundaway iti depensa a mangsuppiat sakbay nga inaprobaranna iti kiddaw. Nupay kasta, pinaboran ti impeachment court iti mosion ken inbilin iti pannakaipaulog ti subpoena ad testificandum ken duces tecum maibusor kadagiti dua nga opisial.###
