Nagtulag iti Thailand ken Cambodia nga agtalinaed iti beddengda ti kapia kalpasan ti gubat da idi Hulyo agdama a tawen a nakatayan dagiti tallo pulo ket dua a sibilyan ken soldado.
Iti maysa a panagtataripnong ti Extraordinary Regional Border Committee idiay Thailand, napagsasaritaan da iti nasaysayaat a komunikasyon, panagkissay ti tensyon, ken panangbukel ti coordinating group iti pagap-apaan da a lugar, karaman iti panangikkat kadagiti landmine, ken panangsungbat ti cross-border online scams.
Maipalagip nga idi Hulyo 28, kagiddan ti trilateral meeting idiay Malaysia, immunan a nagtulag iti dua a pagilian para iti ceasefire, idi Agosto 7 agpada a pinatibker ti Thailand ken Cambodia dagiti sangapulo ket tallo a paset ti katulagan, karaman iti panangpalubos a mangipatulod ti ASEAN observers tapno bantayan iti panangipatungpal ti ceasefire ken siguraduen iti natalna a resolusyon.#
