DONALD TRUMP – New York City real estate developer, Reality TV Star, ken nagserbi a maika-45 a Presidente ti Amerika idi January 2017 – January 2021.
Ni Trump a maysa a bilyunaryo a negosyante ket timmaray a Republican ken nagun-od na ti upset victory kontra iti kinalabanna idi 2016 election a ni Hillary Clinton.
Nangrugi iti career ni Trump idi nagtrabaho iti kumpanya ti ama na, agingga a sinublat na ti panangimaton idi 1970s.
Iti adu a naglabas a dekada kas negosyante, adu ti naipundar na, nangipasdek ti hotels, office towers, casinos ken golf courses.
Nagparang pay iti 14 seasons ti show nga “The Apprentice.”
Ni Trump iti kaunaan a nag-presidente ti Amerika nga awan ti napalabas a kapadasanna iti gobyerno ken militar.
Idi December 18, 2019, na-impeach ni Trump babaen ti House of Representatives.
Idi January 13, 2021, nagbalin a kaunaaan a presidente iti pakasaritaan ti U.S. a na-impeach iti maikadwa a daras.
Idi March 30, 2023, ni Trump iti kaunaan a sigud a presidente ti Amerika a nakaswan ti criminal nga adda pakainaiganna iti hush money payments.
Iti agdama, ni Trump iti kaunaan a former president nga agsubli iti turay, sipud kenni Grover Cleveland a nagsubli idiay White House idi 1892 election. Ni Cleveland iti kaunaan a tao iti US history a nangabak iti maikadwa ngem non-consecutive presidential term.
Ni Trump iti kalakayan a nabotosan iti nasao a posisyon nga ita ket agtawen ti 78.
Ni Donald Trump iti 47th president of the United States kalpasan nga indaulwanna ti eleksiyon idi Miyerkoles, November 5, 2024.
Mangipakita daytoy iti kinatibker ni Trump, saanna nga akseptaren ti pannaka-abak, uppat a tawenen ti napalabas, a nakaigapwan ti panag-rebelde dagiti supporters na iti U.S. Capitol, kumbiktado pay iti felony charges ken nalasatanna iti dua nga assassination attempts idi panawen ti kampanya, idi July 13, 2024 ken Sept. 15, 2024.
Nagun-od ni Trump iti nangabakanna a botos tapno mairikep ti 270 electoral votes idiay Wisconsin.
