Naan-anayen a naaprubaran iti Ordinance number 422-2023 wenno The Clean Public Toilet Ordinance of 2023 babaen ti panang aprobar ni Governor Rafy Ortega David nakasagana itan a maipatungpal ti sapasap a probinsya ti La union, panggepna a mapasayaat dagiti kangrunaan a serbisio nga ited ti probinsia ti La Union kadagiti lumugar ken dagiti turista.
Daytoy nga ordinansa ket babaen ti panngilungalong ken panangisurat ni Board Member (BM) Joy R. Ortega, SP Committee Chair on Tourism, ken kaduana nga autor da Board Mmember Victor I. Rivera, Geraldine R. Ortega, Henry B. Balbin, Maria Annabelle S. de Guzman ken , Ruperto A. Ni Rillera Jr.
Segun kenni BM Joy, nakonsepto daytoy nga ordinansa kalpasan ti panangpaliiwna iti kinakurang ti pannakamantener dagiti restroom iti nadumaduma a paset ti probinsia kas kadagiti gasolina, mall, restaurant, ken public markets, a kaaduan kadagitoy ti maibilang a tourist hubs. Innaigna met ti kinapateg dagiti nadalus a pagdigusan kadagiti nasalun-at a komunidad, ti agtultuloy nga panagado dagiti torista a bumisbisita ditoy La Union.
Daytoy ordinansa ket kangrunaan dagiti akinkukua wenno operator dagiti public toilets ket masapol nga agbalin a responsable iti panangmantener kadagiti pasilidadda iti nadalus, natalged ken sanitary condition iti amin a oras babaen ti panangpatrabahoda iti umdas a bilang dagiti janitorial staff tapno masigurado a madalusan ken mataripato dagiti public toilets a kanayun, masapol a masigurado dagiti comfort room ket addaan iti umdas a silaw, bentilasion, toilet paper, sabon, ken dadduma pay.
Tapno maigarantiya ti nainget a pannakaipatungpal ti ordinansa, nabukel ti monitoring team a buklen ti Provincial Health Office; Municipal/City Health Offices wenno Sanitary Inspection Team ti amin a Local Government Units ditoy probinsia ti La Union;
Provincial Government-Environment and Natural Resources Office; and La Union Provincial Tourism Office.
Dagiti aglabsing iti ordinansa ket madusa iti Five Thousand Pesos iti umuna ken maikadua a panaglabsing bayat nga iti maikatlo a panaglabsing, madusa ti establisimiento iti sabali pay a lima ribu a pisos ken ti posibilidad a masuspende wenno maikkat ti business permit-da.
Kiddaw met ni BOad Member Joy Ortega para kadagiti Public Comfort Room nga pagtalinaiden da ti kinadalos dagitoy.
Ti committee on Tourism agraman dagiti kameng ti monitoring team ti mangidaulo iti spot inspection kadagiti sumaruno nga aldaw tapno masigurado a tungpalen dagiti dagiti guidelines a naikeddeng iti ordinansa.
