BR LA UNION – Majority draw wenno tabla ti nagbalin a laban ti apo ni boxing legend Muhammad Ali a ni Nico Ali Walsh ken ni Kittisak Klinson ti Thailand iti maika-50 nga anibersaryo ti Thrilla in Manila idiay Araneta Coliseum idiay Quezon City.
Kalpasan ti walo a round a laban ket nangipaay ti 77-75 ti maysa a judge para kenni Klinson bayat a 76-76 dagiti dua a judge a nagresulta iti majority draw.
Segun kenni Walsh, maragsakan unay iti bara a panangawat kenkuana dagiti Pinoy fans ket isagut na ti laban na iti lolo na a boxing legend a ni Muhammad Ali.
Maipalagip a 50 a tawenen ti napalabas, naisayangkat ditoy Pilipinas ti napnuan pakasaritaan a laban ni Muhammad Ali kalpasan a nagballaygi a nangdepensa iti WBC world heavyweight title na kontra kenni Joe Frazier.
Nakalaban metten ni Walsh iti sumagmamano a nalalaing a boksingero ti Pilipinas, isuda Eumir Marcial ken Melvin Jerusalem.
