Nangiyusuat ti tignay-protesta dagiti minilyon nga indibidwal manipud kadagiti 50 estado ti Estados Unidos, tapnu ipanawagan iti panangkontrada iti administrasyon ni President Donald Trump.
Nagmaymaysa da iti panawagan nga awan ti rumbeng nga agbalin nga “ari” idiay US.
Karaman kadagiti nakipaset ken nagsao kadagiti tignay-protesta dagiti sumagmamano a pulitiko kas ni Democratic Senators Chuck Schumer, Chris Murphy, ken Cory Booker.
Nabara nga inawat ni Senador Bernie Sanders dagiti napipigsa a pukkaw ken panagtipak idi immuli isuna ti entablado tapnu agsao iti rally idiay Washinton, D.C.
Namnamaen met ti agarop milyon a makipaset iti rally kadagiti nasurok 2,700 lokasyon — manipud kadagiti babassit nga ili agingana kadagiti dadakkel a siudad — a mangisaysayangkat ti nalawlawa ken desentralisado a kilos-protesta kontra kenni Trump, nga idi ket nakapamaysa laeng kadagiti demonstrasyon idiay Washington D.C. ti umuna a termino kas Presidente.###
