Patok iti tikoy a naaramid ti glutinous rice bayat nga umas-asideg iti panagrambak ti Chinese New Year ken ngimmato ti demand daytoy iti merkado.
Iti panagrikurida ti Bombo News Team, naammuan nga agarup ₱40 iti presio ti glutinous rice iti tunggal pakete.
Kenuna ni Marilyn Cabading a kadagiti napalabas nga aldaw ket ngimmato iti naglakuanda.
Dumanon met ti ₱70 iti presio ti orihinal a malagkit bayat a ₱100 iti bongkitan.
Namnamaen dagiti negosiante nga agtultuloy ti panagngato ti mapaglakuanda aginggana iti mismo a kaaldawan ti Chinese New Year.###
