LA UNION – Inwaragawag ni Presidente Bongbong Marcos Jr. a suspendido ti toll collection iti Manila-Cavite Expressway epektibo inton Hulio 1 agingga 30.
Daytoy ket kalpasan nga inaprobaran ti Toll Regulatory Board ti rekomendasion ti Philippine Reclamation Authority a masuspende ti panagkolekta ti toll babaen ti RFID ken cash transactions.
Iti dua a panid a resolusion, inkeddeng ti Toll Regulatory Board a temporario a masuspende ti panagkolekta iti toll fee kalpasan a dinakamat ti Presidente ti 30-day toll holiday bayat ti inagurasion dagiti tallo nga expressway projects sadiay Sucat, Paranaque.
Ti toll fee suspension ket para iti amin a klase ti lugan a dumaliasat iti CAVITEX.
