LA UNION – Arestado iti maibilbilang a Top 10 Provincial level drug personality iti inganwat nga Anti-Illegal Drug Operation wenno buy bust dagiti otoridad agarop alas 9:00 idi rabii idiay Barangay Biday, San Fernando City, La Union.
Iti suspek ket managan Jake Valdez, 28, baro, awanan trabaho, ken residente ti Barangay Poro ditoy syudad.
Iti nasao nga operasyon ket nagbinnuligan ti San Fernando City Police Station Intel Division, PIB LUPPO, ken PDEA RO1.
Nagresulta pay daytoy iti pannaka-kumpiskar manipud iti suspek ti lima (5) a heat transparent plastic sachet a maipagarop a shabu ken mapatta-patta nga agdagsen ti 5 grams ken agbalor ti P34,000 agraman ti maysa a pidaso ti genuine 1000 peso bill (buybust money).
Iti suspek ket nakaditine ita iti San Fernando Police Station custodial facility bayat a maisag-sagana metten ti maidatag a kaso kontra iti daytoy.
