LA UNION – Nakemmeg iti Top 2 most wanted person idiay ili ti Santol ita nga aldaw, Oktubre 8, 2025 iti oras nga alas-9:40 ti bigat, babaen ti manhunt operation a naisayangkat idiay Barangay Sasaba, Santol, La Union.
Nabigbig iti suspek nga agtawen ti 46, mannalon, residente ti nasao a barangay, ken maysa nga high-value individual iti illegal drug trade.
Naarestar daytoy babaen iti bileg ti warrant of arrest gapo iti panaglabsing na ti Comprehensive Dangerous Drugs Act of 2002 – partikular iti Cultivation or Culture of Plants Classified as Dangerous Drugs or Sources Thereof (Section 16, Article II, Republic Act No. 9165) — iti sidong ti Criminal Case No. 5180 a napetsaan ti Pebrero 10, 2025 ken awanan ti nairekomenda a piyansana.
Naiserbi iti warrant of arrest babaen dagiti personnel manipud iti 1st Provincial Mobile Force Company ti La Union Police Provincial Office ken ti suporta manipud kadagiti dadduma a police units.###
