LA UNION – Inarestar dagiti otoridad iti Top 3 Most Wanted Person Municipal Level ken target ti COPLAN “ROOT HUNT” babaen iti bileg ti Warrant of Arrest ni Hon. Judge Mario Anacleto M. Bañez, ti 1st Judicial Region, Tagudin, Ilocos Sur Branch 25 para iti kaso a panaglabsing iti Sec 11 ti RA 9165 idi September 1, 2018 idiay Sitio Maliteng Sinacbat, Bakun, Benguet.
Nabigbig iti suspek a ni Rictor Ganase Pinmiiw, 24, baro ken residente ti Sitio Mabilabil, Brgy. Dinwede West, Cervantes, Ilocos Sur.
Segun kenni PCI Anthony C. Otinguey, Chief of Police, ti Cervantes Police Station, nakumpiskar dagiti mula a marijuana iti nipa hut a kukua ni Pinmiiw iti insayangkat a COPLAN “ROOT HUNT” ti Police Regional Office 1.
Iti agdama, addan iti custodiya ti Bakun Municipal Police Station idiay Bakun, Benguet ni Pinmiliw.
Kabayatanna, inallokoy met ni PCSupt Romulo E. Sapitula, PRO1 Regional Director, iti publiko a tumulong iti kampanya kontra illegal a droga.
