LA UNION – Addan itan iti ima dagiti otoridad iti makunkuna a maysa kadagiti miyembro ti Agbunag drug group, a maipagarop nga agop-operate iti intero nga Ilocos Region.
Iti suspek a nabigbig iti nagan a James Bagtila, 33, ti Barangay Tanqui San Fernando City La Union ket maibilbilang a High Value Individual, Provincial Top 10 Target list, ken Top 4 Regional target ti PDEA-RO1 .
Naaresto ti suspek iti insayangkat a buy bust operation ti San Fernando PS (led unit), PDEU, MARITIME ken PDEA RO1 idiay Brgy. Pagdaraoan ditoy syudad.
Umabot iti P6,800 ti DDB value ti maysa gramo a kadagsen iti nakumpiskar a shabu manipud iti suspek.
Kabilang pay a kinumpiskar dagiti otoridad iti maysa a piraso ti 1000 genuine peso bill a nagserbi a buy-bust money, P448 iti naduma-duma a denominasyon ken maysa a colored gray mountain bike.
Iti suspek ket naidatagan ti kaso a panaglabsing iti Art II Section 5 ken 11 ti RA 9165.
