LA UNION – Arestado iti maibilang a Top 5 Provincial Target ti Phil. Drug Enforcement Agency (PDEA) iti insayangkat a search warrant operation iti nagtipon puwersa dagiti otoridad idi kalman, Pebrero 2, idiay Brgy Camp 1, Rosario, La Union.
Natiliw iti suspek a nabigbig iti nagan nga Aiza Fe Mislan, 34, residente ti nadakamat a lugar.
Daytoy ket maiyannurot iti implementasyon ti search warrant nga inyisyu ni Acting Executive Judge Jovito Mervin Samadan ti RTC Branch 40, Dagupan City.
Kinumpiskar dagiti otoridad manipud iti suspek iti 11 a pidaso ti heat sealed transparent plastic sachet a naglaun iti mapapati a shabu, agdagsen ti 4.3 grams ken naduma-duma a drug paraphernalia.
Segun kadagiti otoridad, ni Mislan ket karaman iti PDEA ken PNP Targetlisted Drug Personality ken Top 5 Provincial Target.
Iti suspek ket sumangsango iti kaso a panaglabsing iti Sections 11 and 12 iti RA 9165.
