Nasaksian ti total solar eclipse idi Mierkules, Agosto 12, kadagiti sumagmamano a paset ti Europa karamaan ti Iceland, Northern Spain ken sumagmamano a paset ti Northeastern Portugal, no sadino naan-anay nga inakkuban ti Bulan iti Init ken temporario a sumipnget iti tangatang.
Naaddaan met ti partial solar eclipse iti dakkel a paset ti Europa, kaadduan idiay Canada, ken sumagmamano a paset ti Estados Unidos ken Northwestern Africa.
Idiay Spain ken Northwestern Portugal, nagbalin a kadkadlaw iti eclipse gapu ta napasamak iti totality sakbay a limnek iti Init. Iti kaadduan dagiti lugar iti path of totality, nagbayag ti saan a bumaba ti dua a minuto iti naan-anay a panangakkob ti Bulan iti Init.
Pinalagipan ti NASA iti publiko nga agusar ti certified eclipse glasses wenno handheld solar viewer ken mabalin laeng a kitaen daytoy no naan-anayen a naakkuban iti naranyag a paset ti Init.
Iti sumaruno a total solar eclipse ken makita idiay southern Spain, North Africa ken sumagmamano a paset ti Middle East inton Agosto 2, 2027, ken mabalin nga agbayag iti nasurok innem a minuto iti kapautan a paset ti path daytoy.
