LA UNION – Nagpalagip ti La Union Tourisim and Information Office a saan pay laeng a malukatan para ti publiko dagiti tourist destination a masarakan iti probinsya iti laksid a naikkaten ti community quarantine.
Iti pannakiuman ti Bombo Radyo kenni La Union Tourisim and Information Officer Adamor Dagang, kinunana a saanda pay laeng nga ipalubos kadagiti umili ti agturong kadagiti lugar a pagpasyaran tapno maipatungpal ti social distancing.
Sigun kenni Dagang, madama ita nga ad-adalen ti lokal a gobyerno ti La Union no kaano a mailukat iti publiko dagiti tourist destination.
Kabayatanna, aminado met ti opisyal a dakkel iti nagbalin nga epekto iti industriya ti turismo iti pannakaipatungpal ti community quarantine.
Imbatad ni Dagang, agsapsapul iti pamuspusan ti lokal a gobyerno babaen kenni Gov. Pacoy Ortega II tapno matulongan dagiti adda ti sektor ti turismo ditoy pagilyan.
