LA UNION – Nagpalawag iti maysa a traffic enforcer ditoy syudad ti San Fernando seknan iti nagwaras a damag, a maipagarop a pinerdi wenno dinadael da iti cart ti maysa a sidewalk vendor ditoy syudad.
Kinuna iti Bombo Radyo ni traffic enforcer Rolando Cruz , nga awan kinapudno na iti nasao nga alegasyon.
Iti pudno a napasamak kunana, ket nangisayangkat da ti operasyon kontra dagiti illegal vendors idi aldaw ti Sabado ditoy syudad ngem kellaat a nagtataray dagitoy idi makita da dagiti sumung-sungad nga otoridad.
Gaputi dayta, nailibsong wenno naiyabut iti maysa a pilid ti cart iti maysa nga illegal vendor, nga isuti nakadadaelan daytoy agraman dagiti tagilako na.
Adda itan iti maika-innem nga aldaw a nakapasidong iti Enhanced Community Quarantine (ECQ) iti syudad ti San Fernando gaputi kellaat a panagngato ti kaso ti COVID 19, ket maysa kadagiti masursurot nga allagaden iti pananglaban ti pandemic virus, ket iti panangipawil pay laeng nga aglako dagiti ambulant wenno sidewalk vendors.
