LA UNION – Dead on arrival idiay ospital ti driver iti trailer truck kabayatan a nasugatan met iti dua a pasahero idiay national highway ti Barangay Ar-arampang, ili ti Balaoan, La Union.
Nabigbig ti pimmusay a ni Samuel Ignacio, 25, resident ti Currimao, Ilocos Norte; at dagiti pasahero daytoy nga isuda Froilan Salarzon, 29, agnanaed idiay Cabugao, Ilocos Sur, ken Lemar Cacicas, 25, a tubo iti Soliven, Isabela.
Base iti imbestigasyon ti Balaoan Police, posible a napukawan iti kontrol ti panagmaneho ti nadakamat a driver isu a napasikid ti nasao a truck idiay igid ti kalsada.
Duktuktalen ita ti pulisya, no ania ti kasasaad ti pammagi ti driver wenno ti lugan idi napasamak ti aksidente.
Kabayatanna, agpapaimbag pay laeng idiay ospital dagiti dua a nasugatan a pasahero ti truck
