LA UNION – Imbilin ni Mayor Virgilio Flor iti temporaryo a pannakasuspende ti transaksyon iti municipal hall ti ili a Bagulin, La Union kalpasan a makailista dagitoy ti kaso iti COVID-19.
Naammuan ti Bombo Radyo a no pay suspendido ti transaksyon ket saan met a nagsardeng ti agkakapateg nga operasyon ti munisipyo.
Kabayatanna, imbilin pay ni Mayor Flor ti nainget a contact tracing kadagiti nakapulapol dagiti lima a nagpistibo iti COVID-19 kangrunaan idiay Barangay Cambaly ken iti panang-monitor tapno malapdan ti panagwaras ti nasao a sakit.
Iti ili a Bagulin ket naammuan a nakailista iti lima a tattao a positibo iti COVID-19 ti umuna a gindaway sipud nangrugi iti pandemya ditoy pagilyan.
