Impadamag ti National Grid Corporation of the Philippines nga adda iti natalged a kasasaad ti amin a transmission lines ditoy Pilipinas.
Daitoy ket kalpasan ti epekto ti kallabes a Bagyong Crising ken ti agraraira nga Habagat.
Kinuna ti ahensya nga agtultuloy iti monitoring da para ti epekto ti habagat, partikular kadagiti linya ti kuryente.
Segun iti datos ti agingga Hulyo 21, 2025, agtaltalined a normal ken stable ti estado dagiti grid operations manipud Luzon, Visayas, ken Mindanao.
Nakasagana metten iti activation ti operasyon ti overall command center(OCmC) da apaman adda dagiti baro a pangta kadagiti transmission operations nga inggubuay ti nasaknap a panagtudo ken dadduma pay a weather disturbances.
Impasiguro met ti ahensya iti publiko nga agtaltalinaed da a nakapamaysa iti panangpasigurado ti grid stability, readiness, ken quick response.
