LA UNION – Dagiti local police station iti mangiproseso kadagiti travel pass nga inapplikaran dagiti stranded a tattao gapu ti maipatpatungpal a community quarantine.
Sigun kenni LtCol. Silverio Ordinado Jr., spokesperson ti La Union Police Provincial Office, dagiti agtartarigagay nga agawid kadagiti bukodda a probinsya wenno lugar ket masapul a kadagiti local police station a mangipila iti aplikasyon ken saandan a kasapulan ti agturong iti Police Regional Office-1 (PRO-1).
Ti local police station metten iti makaammo a mangiproseso idiay PRO-1 ken mangipakaammo kadagiti stranded no naaprobaranen daytoy.
