Kas nanumo a regalo dagiti umili ti Sudipen, La Union kenni Presidente Bong Bong Marcos ti panagbirthday na idi kalman, naaramid ti simultaneous tree-planting activities kadagiti amin a sangapulo ket pito barangay ti nasao nga ili.
Agdagup 1,700 a nadumaduma a fruit-bearing tree seedlings ken forest tree seedlings ti naimula kadagiti napili a planting site ti tunggal barangay. Indauluan da Mayor Wendy Joy Buquing, Vice-Mayor Melvin Macusi ken Sangguniang Bayan Members daytoy nga environmental activity, kasta met dagiti Barangay Officials idiay bukod da a barangay.
Adda met a nakipagpaset met ti Provincial Environment and Natural Resources Office, Department of Interior and Local Govrnemnet ken ti Sudipen Municipal Police Station.
Panggep daytoy a programa ti agtultuloy a kampanya ti LGU Sudipen para ti panagsalaknib ti aglawlaw babaen ti panagmulmula ken panangtaripato ti kaykayo.
