LA UNION – Arestado iti maysa a tricycle driver a maipagarop a drug pusher bayat iti insayangkat dagiti otoridad a buy bust operation idiay Barangay Ili Sur, San Juan, La Union agarop alas 2:50 itay laeng parbangon.
Iti suspek ket nabigbig iti nagan a George Calaunan, 49, addaan asawa, residente ti Barangay Bumbuneg, San Gabriel, La Union.
Iti nasao nga operasyon, nakumpiskar manipud iti ikot ti suspek iti maysa a plastic sachet a naglaun ti maipagarop a marijuan ken tallo a pidaso ti P100 bill a naaramat kas buy bust money.
Iti suspek ket manamnama a maidatagan ti kaso a panaglabsing iti R.A. 9165 wenno Comprehensive Dangerous Drugs Act of 2002.
