LA UNION – Arestado iti maysa a tricycle driver saan a gaputi traffic violation nudiket gaputa naaktuan nga aglaklako iti maipagarop nga iligal a droga.
Iti insayangkat nga anti-illegal drug buy bust operation iti nagtipon puwersa nga Agoo Police Station ken PDEA-La Union nakemmeg iti suspek idiay San Nicolas West, Agoo a nakaisayangkatan ti transaksiyon.
Nabigbig daytoy iti nagan a Joel Suguitan, 27, addaan asawa, ken residente i San Joaquin Sur, Agoo.
Nakumpiskar dagiti otoridad manipud iti suspek iti tallo (3) a transparent plastic sachet ti maatap a shabu ken maysa (1) a pidaso ti P500 bill a marked money.
Dagiti nakumpiskar a droga ket mapatta-patta nga agdagsen ti .0450 grams ken addaan ti DDB value a P1,000.00
Iti suspek ket sumangsango ita ti kaso a panaglabsing iti Article II, section 5&11 ti R.A. 9165.
