LA UNION – Maisagsaganan ti kaso laban iti tricycle driver kalpasan a maaresto daytoy ti naisayangkat a search operation ti pulisya gapu iti naduktalan a shabu iti uneg ti balayna idiay Barangay Ilocanos Sur, syudad ti San Fernando, La Union.
Nabigbig ti suspek a ni Ronnie Flores, 46, baro, residente ti nasao a lugar.
Naammuan ti Bombo Radyo manipud ti San Fernando City Police Office, dua a sachet iti shabu ken drug paraphernalia ti nakompiskar manipud iti ikotna.
Ni Flores ket maysa met a drug surrenderer iti syudad.
Kabayatanna, pinaglibakan met ti suspek a kukuana dagiti nasao a droga.
