LA UNION – Maysa a tricycle driver ti natay iti napasamak a karambola ti tallo a behikulo idiay Bry. Bani, Rosario, La Union.
Immuna iti daytoy, agpapada nga agdaldalyasat iti kalsada ti tricycle a minaneho ni Ronnie Patadisca, 25-anyos; kasta met ti mini dump truck a minaneho ni John Bautista, ken tanker a minaneho ni Gieger Chan, 43-anyos.
Nupay kasta, kellaat a nadungpar ti tanker ti nasao a tricycle agingga a naidarundonda pay iti dump truck.
Gapu iti kapigsa ti impact ket naisayo ti tricycle a nagbanag iti nakaro a pannakadunor ni Patadisca ken ti pasaherona a ni Rommel Dela Cruz.
Agpapada dagitoy a naitaray iti ospital ngem naideklara a dead on arrival ni Patadisca.
Agtultuloy ita ti imbestigasion dagiti otoridad iti insidente.
