LA UNION – Burburtiya pay laeng para ti pulisya iti kinatao ti suspek ken motibo iti pannakatay babaen ti pammaltog ti maysa tricycle driver idiay Barangay Baroro, ili ti Bacnotan, La Union.
Nabigbig ti biktima a ni Fernando Padilla, residente ti Barangay Nagsimbaanan iti nasao nga ili.
Kinuna ni P/Maj. Reginald Dalipias, OIC ti Bacnotan Police, a base iti inisyal nga imbestigasyonda ket saan met a karaman iti iligal nga aramid ti biktima.
Bala ti cal .9mm a paltog iti timamama iti ulo ti tricycle driver a puon ti nakatayan daytoy.
Immuna iti daytoy, saan nga ipagarup dagiti residente a ti nangngegda a kanalbuong idi rabii ket maysa gayam a pammaltog.
Itattay laeng bigat a nadiskobreda ti nasao a bangkay a nakasakay pay iti bukodna a traysikel.
