Napasaran dagiti tricycle drivers iti panagbalbaliw ti kasasaad ti trapiko ken ti matgedanda ita nga holiday season.
Segun kenni Arnold Peralta, maysa a tricycle driver a nakauman ti Bombo Radyo, adda dagiti aldaw a napigsa ken adda met dagiti aldaw a nakapsut iti byahe, ngem iti napateg ket adda ti mapastrekan nga umdas para iti pagkasapulan ti pamilya.
Nainget a sursurutenda dagiti pagannurutan para iti natalged a panagbyahe, kas iti saan a panagmaneho no adda iti impluwensia ti arak wenno ti nasanger a mainom.
Regular met a masuksukimat dagiti kasasaad ti lugan partikular iti signal light, preno, goma, ken dadduma pay a napateg a paset ti tricycle tapno malapdan iti malfunction ken posible nga aksidente bayat ti kaadda iti kalsada.
Kabayatanna, mainaig iti baro a tawen, naipaganetget iti kinapateg ti panagkaykaysa, nasayaat a panagtitinnulong, ken positibo a panangmatmat iti biag kas paset dagiti arapaap para iti 2026.###
