Naipasidong ti trainings dagiti tripulante iti dua a baro a Philippine Navy gunboat a BRP Tomas Campo (PG-908) ken BRP Albert Majini (PG-909).
Ti dua ket agpada a fast attack interdictor craft-missile (FAIC-M) boats.
Dagiti tripulante ket nagdalan iti operation and maintenance training para iti Non-Line of Sight (NLOS) missile system a maysa kadagiti baro a teknolohia nga us-usaren dagiti baro a barko.
Ti panagsanay ket indauloan dagiti pannakabagi ti Rafael Advanced Defense System Limited, ti manufacturer iti NLOS missile system a nakabase idiay Israel.
Agtultuloy daytoy agingga iti Pebrero-7, 2025.
Tunggal barko ket addaan iti innem a tripulante nga agsanay a pakairamanan ti Commanding Officer, Executive Officer, Weapons Officer, ken dadduma pay a kangrunaan a personnel dagiti departamento ti armas.
Panggep ti kasta a panagsanay nga isuro kadakuada ti umdas a kabaelan para ti agpada a teoretikal nga instruksion ken hands-on application.
Maysa pay kadagiti agserbi a component ket ti at-sea phase nga agpokus ti system testing, calibration, ken missile firing procedure.
Ti advanced missile system nga inusar ti dua a barko ket agpada nga addaan ti range a 30 km ken kabaelan a tamaan dagiti target babaen ti ‘pinpoint accuracy’
