LA UNION – Kimmapsot ti TYPHOON “Aghon” bayat nga agtur-turong iti amianan-a-daya agturong iti Philippine sea.
Iti latest Tropical Cyclone Bulletin #29 ti PAGASA, iti sentro ti Typhoon “AGHON” ket nasaripatpatan iti kaadayo a 315 km daya ti Tuguegarao City, Cagayan kabuyog na iti kapigsa ti angin a 130 km/h asideg iti sentro ken kapegges a dumanon iti agingga 160 km/h.
Dup-dupagenna iti amianan-a-daya a direksiyon iti kapartak a 15 kilometro kada oras.
Maibasar iti track forecast, iti Typhoon AGHON ket namnamaen a rumwar iti PAR inton Miyerkoles.
Kabayatanna, naikkat aminen a ballaag ti bagyo.
Nupay kasta, iti Southwesterly Windflow a pinapigsa ti bagyo Aghon ket mangigubway ti mawaras-waras a panagtudo ken panaggurru-od idiay Western Visayas, Palawan, Occidental Mindoro, Bataan, ken Zambales.
Bayat nga idiay Metro Manila ken nabatbati a paset ti pagilian ket makapadas ti mapatto-pattok a panagtudo ken panaggurru-od iti malem wenno rabii gaputi Localized Thunderstorms.
