Apagapaman a pimmigsa iti Tropical Depression wenno Bagyong Ada bayat iti panagdalyasatna iti kabaybayan a sakupen ti makindaya a paset ti Mindanao.
Naudi a nasaripatpatan iti sentro ti bagyo iti kaadayo a 385 km Daya Amianan-a-Daya ti Hinatuan, Surigao del Sur wenno 465 km Daya ti Surigao City, Surigao del Norte.
Kabuyogna iti angin a 55 kilometro tunggal oras asideg ti tengnga ken kapegges a dumanon ti aginggana 70 km/h.
Dupdupagenna iti pa-laud a direksion iti kapaspas a 20 kilometro tunggal oras.
Nakapasidong ti Tropical Cyclone Wind Signal No. 1 dagiti sumaganad a lugar:
Luzon
- Sorsogon
- Southeastern portion of Albay (Rapu-Rapu, Manito, Legazpi City)
Visayas
- Northern Samar
- Samar
- Eastern Samar
- Eastern portion of Biliran
- Eastern portion of Leyte
- Eastern portion of Southern Leyte
Mindanao
- Dinagat Islands
- Surigao del Norte
- Surigao del Sur
Maibasar iti kauddian a bulletin ti PAGASA, kangrunaan a tumbuken ti bagyo ita nga aldaw aginggana inton Dominggo, Enero 18 iti amianan-a-laud a direksion sakbay nga agturong iti amianan-a-daya inton Lunes, Enero 19.
Segun ti forecast track, posible nga dumalan iti bagyo asideg ti Eastern Samar ken Northern Samar inton bigat, Enero 16 wenno Sabado, Enero 17 ti agsapa sakbay nga agturong idiay Catanduanes.
Mabalin nga agresulta ti landfall idiay Eastern Visayas ken Bicol Region iti pa-laud a direksion ti bagyo.
Kabayatanna, manamnama nga agbalin daytoy a tropical storm ita nga aldaw ken agtultuloy a pumigsa bayat iti panagdalyasatna iti Philippine Sea.###
