Kinumpirma ti Department of Foreign Affairs (DFA) a dumar-ay ni US President Donald Trump iti Association of Southeast Asian Nations (Asean)-US Special Summit inton Nobyembre 17.
Ti tallo nga aldaw a panagtataripnong manipud Nobyembre 15 agingga 18 idiay Philippine International Convention Center (PICC) idiay Pasay City ket mangummong kadagiti Southeast Asian leaders ken dialogue partners tapno talantanen iti regional ken global challenges.
Idaulwan ni Presidente Ferdinand Marcos Jr. ti summit a manglukat inton Domingo tapno trataren dagiti Asean priorities kabilang iti sitwasyon idiay Myanmar.
Makitaripnong pay dagiti Asean leaders kadagiti mammanday linteg, business representatives ken youth groups kas paset ti summit.
Manamnama a dumar-ay dagiti lider ti Vietnam, Cambodia, Brunei, Indonesia, Laos, Malaysia, Singapore, Thailand ken Timor-Leste.
Iti Myanmar ket ibagi ti director general ti Asean Affairs Department iti Foreign Ministry.
Makipaset met kas Guest of the Chair dagiti lider ti Brazil ken Canada kadwa dagiti mangibagbagi kadakuada iti International Monetary Fund.
Mangrugi ti summit kadagiti ASEAN dialogue partners inton Nobyembre 16 ken agtultuloy agingga Nobyembre 17 agraman Australia, China, India, Japan, New Zealand, South Korea, Russia, United Nations ken United States.
