Imbatad ni United States of America President Donald Trump a kumiddaw isuna ti conflict compensation manipud Iran kas paset iti aniaman a negosasyon ti kinakapia.
Ti waragawag ket sungbat iti kiddaw ti Iran a bayadan nga umuna iti Estados Unidos dagiti perdisyon a pinataud da ti lima bulan a gyera sakbay a lukatan ti Strait of Hormuz.
Kinuna ni Trump a nakaay-ayat nga ideya ti kiddaw iti Iran, ngem impaganetget a nasken nga agbayad metlaeng ti Tehran para kadagiti natay nga Amerikano ken dagiti nadundunor gapo iti roadside bomb ken proxy conflicts da.
Karaman kadagiti tarigagay na nga iraman iti kompensasyon ket ti pamilya dagiti 17 nga Amerikano a soldado a natay iti nabomba a USS Cole idi pay tawen 2000.
Mainayon pay dagiti pamilya a naapektaran ti insidente idiay uneg ti Iran kadagiti napalabas a 50 a tawen, karamanen dagiti 52K a natnatay iti napalabas a lima a bulan a gyera.
Isingsingir ni Trump dagiti perdisyon ken pannakatay dagiti umili sadiay Lebanon, Syria, Yemen, ken Gaza.
