Inbinglay ni US President Donald Trump iti planona kadagiti krudo a naidulin kadagiti nakumpiskar a tankers iti kabaybayan ti Venezuela.
Segun kenni Trump, mabalinda nga ilemmeng wenno ilako dagiti lana agraman iti oil tanker.
Innayonna a mabalinda met nga usaren dagiti lana para iti strategic reserves.
Maipalagip a nakumpiskar ti US military dagiti dua nga oil tankers ti Venezuela ita a bulan.
Iti sabali a bangir, kinontra ti Venezuela iti inaramid a panagkumpiskar ti Estados Unidos gapu ta maysa daytoy a panagtakaw.#
