Inwaragawag ni U.S. President Donald Trump ti tallo nga aldaw a ceasefire iti nagbaetan ti Russia ken Ukraine manipud Mayo 9 agingga 11 kas pananglagip iti panagpatingga ti World War II idiay Russia.
Ti postna iti Truth Social, kenuna ni Trump a karaman iti ceasefire ti temporario a pannakapasardeng dagiti opensiba militar ken panagsinnukat ti sag-1,000 a balud manipud iti tunggal pagilian.
Immunan nga imbaga ni Trump nga adda ti saritaan maipapan iti temporary ceasefire kalpasan ti pannakisaritana kenni Russian President Vladimir Putin idi Abril 29.
Indeklara met ti Russia iti bukodna a ceasefire manipud Mayo 8 agingga 9 kas paset ti pananglaglagip iti panagballigi ti Soviet Union kontra iti Nazi Germany idi World War II.
Kabayatanna, insingasing ti Ukraine iti open-ended ceasefire a nangrugi idi Martes ken nagpanawagan iti Russia nga agtungpal.
Simmangpet metten idiay Miami ti chief negotiator ti Ukraine a ni Rustem Umerov para iti serye ti panagtaripnong kadagiti nangibagi ti Estados Unidos.
Nupay kasta, agtalinaed a saan nga agkatunosan dagiti dua a dasig, kangrunaan iti maipapan ti isyu idiay Donetsk region a makindaya a paset ti Ukraine.
Agtultuloy met nga agpipinnabasol ti Moscow ken Kyiv a manglablabsing kadagiti napalabas a ceasefires declarations.###
