Nangipangta ni U.S. President Donald Trump a bombaenna iti Oman no lapdan daytoy dagiti addang ti Estados Unidos mainaig ti Strait of Hormuz, kagiddan ti umadani a katulagan ti Oman ken Iran para iti panangmanehar ti commercial shipping iti nasao a napateg a ruta pangbaybay.
Segun kadagiti opisial a pamilyar iti saritaan, kinontra ti Trump administration dagiti sumagmamano a paset ti plano a katulagan, karaman iti singasing nga agkadua ti Iran ken Oman iti panangmanehir dagiti barko ken posibilidad nga agsingir iti Oman ti boluntario a panagbayad para iti kinatalged dagiti lugan pangbaybay.
Inaramid ni Trump iti pangta bayat a makitintinnulong ti Oman iti Iran tapno maammuan dagiti baro a shipping arrangement iti Strait of Hormuz, a napateg a ruta para iti sangalubongan a panagtagilako ti langis ken dadduma pay nga enerhiya. Immunan a kenuna ni Trump a saan isuna a pabor iti aniaman a katulagan a mangipaay iti Iran ti dakkel a kontrol iti Strait.
Idi Agosto 18, nagpost met ni Trump ti mapa iti social media a mangiladladawan iti Strait of Hormuz kas “New U.S. Territory,” ngem awan ti bigbigbigen daytoy a legal a bisa kas unilateral a panagbalbaliw ti soberania iti sidong ti international law.
Kabayatanna, agtaltalinaed a nairut iti sitwasion iti Strait gapu iti saan a pagkinkinnaawatan ti washington ken Tehran. Agtultuloy met a limitado iti shipping traffic iti lugar ken ngimmato iti presio ti langis gapu iti panagdanag iti suplay.###
