Inbabawi ni US President Donald Trump iti plano a mangipataw ti 20% a “reimbursement fee” kadagiti kargamento dagiti barko a lumaslasat iti Strait of Hormuz, kurang a 24 nga oras kalpasan nga inwaragawagna daytoy.
Kenuna ni Trump a masukatan ti singasing iti nalawlawa a katulagan iti panagtagilako ken panagpuonan manipud kadagiti pagilian a kameng ti Gulf Cooperation Council (GCC) agingga iti Estados Unidos.
Iti panangisunod ti singasing ket kasaruno ti panagkedked dagiti pagilian a kameng ti GCC, a nangipaganetget nga awan ti toll wenno aniaman a sabali pay a singir kadagiti barko a lumasat iti estratehiko a ruta pangbaybay.
Inyebkas met iti panagkontra ti International Maritime Organization (IMO) ti United Nations, a mangibagbaga nga awan ti legal a basaran iti sidong ti international law iti mandatorio a panagsingir iti maysa nga international strait a maus-usar iti sangalubongan a panaglayag.
Segun kadagiti eksperto, no naipatungpal ti 20% singir, mabalin daytoy a mangigubuay ti panagngato iti presio ti lana, gasolina, ken dadduma pay a kangrunaan a magagatang gapu ta ti Strait of Hormuz ket maysa kadagiti kapatgan a dalyasatan ti sangalubongan a suplay ti enerhiya.
Kabayatanna, kenuna ti Trump nga ituloy ti Estados Unidos iti “full blockade” kontra kadagiti barko ken kargmento ti Iran. Kenunana, agtalinaed a silulukat ti Strait of Hormuz para kadagiti amin a pagilian, malaksid iti Iran ken kadagiti customers daytoy.###
