Mangipatulod ti suldado ni US President Donald Trump idiay Ukraine tapno maipatungpal iti aniaman a peace deal iti nagbaetan ti Russia ken Ukraine.
Segun kenni Trump, matalantan daytoy kadua dagiti European leaders pakairamanan ni United Kingdom Prime Minister Keir Starmer kas paset iti post-war peace ti nadakamat a pagilian.
Ado dagiti tulong nga maipaay idiay Kyiv kangrunaan iti panangipaay ti security guarantees iti aniaman a post-war settlement, ngem iti Europa iti agserbi kas first line of defense katukad ti tulong manipud ti Estados Unidos.
Kinumpirma ni Ukrainian Presidente Volodymr Zelensky a nadiayaan isuna a gumatang ti 90 billion US dollar a gatad dagiti armas ti Estados Unidos numanpay nakaituding a maisapormal iti proposed deal kas paset ti security guarantees a matratar ti uneg ti sangapulo nga aldaw.
Kabayatanna, kalpasan ti panagtaripnong da Trump ken Zelensky kadua dagiti EU leader, sumaruno a planuen ti Trump iti peace summit ti Ukrainian President ken ni Russian President Vladimir Putin a sarunuen ti trilateral meeting kadua iti Estados Unidos.###
