Nag-post manen ni US President Donald Trump ti mapa a mangiladladawan iti Strait of Hormuz kas baro a teritorio ti Estados Unidos bayat nga agtultuloy a nakaserra iti estratehiko a padalyasatan ti Iran.
Iti Truth Social, imbinglay ni Trump iti mapa no sadino nabilogan iti Strait of Hormuz, maysa a napateg a ruta para iti sangalubongan a suplay ti lana ken natural gas.
Immunan nga inpost na iti kapada a mapa idi Agosto 18 ken imbagana idi Agosto 15 a mabalin nga ideklarana a teritorio ti Estados Unidos iti nasao nga strait kalpasan a maabak iti Iran.
Kabayatanna, impaganetget ni Mohsen Rezaei, mangidadaulo ti Iran’s Supreme National Security Council, a saan a luktan ti Iran iti Strait of Hormuz agingga saan a tungpalen ti Estados Unidos dagiti obligasion ken ilimpio iti ug-ugalien daytoy.
Nagballaag met ni Rezaei nga ibilang da a kabusor dagiti pagilian a makipaset iti inawagan na nga economic war ti Estados Unidos kontra iti Iran.
Sakabay ti gubat, mapatta-patta a sangkalima ti sangalubongan a langis ken Liquefied Natural Gas (LNG) exports iti dumaldalan iti Strait of Hormuz.###
