Nagpangta manen ni U.S President Donald Trump iti secondary sanctions kadagiti pagilian a gumatgatang ti langis ken dadduma pay a produkto manipud Russia.
Ti anunsyo ket kasaruno ti panangipatulod ti Estados Unidos ti Patriot missile system idiay Ukraine ken impaganetget ni Trump a dagiti sanctions ket maipaulog nu saan nga umanamong ni Russian President Vladimir Putin iti 50-day ceasefire.
Segun kadagiti sumagmamano nga eksperto, panggep daitoy nga addang ni Trump nga i-pressure ti Russia nga agtultuloy nga agnumnumar iti oil exports ti China ken India.
Kabayatanna, nakaragsakan met daitoy ti Kyiv bayat a dagiti dadduma ket agdudua latta iti pudno nga intensyon ni Trump a sigud ket naan-annad iti panangipaay ti suporta idiay Ukraine. Napagammoan a nadismaya ni Trump kenni Putin gapo iti agtultuloy a panagraut na idiay Ukraine laksid iti saritaan ti kinakapia.
Nangipaay ni Trump ti 50 nga aldaw a deadline sakbay iti naan-anay a panangipatungpal na ti nadagsen a taripa. Iti agdama ket madama latta iti gyera idiay Ukraine ken 20% ti teritoryo dan ti agtaltalinaed a kontrolado ti Russia.
