Imbutaktak ni US President Donald Trump nga isarunon nan ti Chicago a dalusan kontra kadagiti krimen.
Daitoy ket kasaruno ti panangiwaras na kadagiti National Guards idiay Washington DC ken napaneknekan a maysa a lawas laeng ket dakkel ti bimmabaan na ti bilang dagiti krimen.
Segun kenni Trump, kalpasan ti Chicago ket mabalin nga isaruno na met iti New York. Impeksa na a saan na a pulos nga ikkaten dagiti soldado a nakadeploy agingga nu kaykayat na.
Nakasagana pay iti Ehekutibo a mangipangato ti state of emergency idiay Washington gapo iti panagkontra dagiti sumagmamano a residente kasaruno ti deployment ti aganay 2K a miembro dagiti national guards.
