Inpakaammo ni US President Donald Trump a posible a makipagkita daytoy kenni North Korean leader Kim Jong Un idiay China bayat ti panagbisitana ditoy Asia.
Segun kenni Trump, nakadepende ti nasao a panagtataripnong iti agbalin a desision da Kim ken Chinese President Xi Jinping.
No matuloy, agbalin a kabaruan a gundway daytoy para iti direkta a saritaan ti dua a lider kalpasan a napaay ti sumagmamano a miting bayat ti umuna a termino ni Trump maipapan iti pannakaikkat dagiti nuklear nga armas ti North Korea.











