LA UNION – Dua aldaw kalpasan a nakalasat iti maipagarop nga attempted assassination, nagparang ni sigud nga US President Donald Trump iti Republican National Convention idiay Milwaukee.
Iti nasao a convention, pormal a nai-nominar ni Donald Trump kas presidential candidate ti Republican Party para iti November election.
Napili met ni Senator JD Vance ti Ohio kas running mate ni Trump.
Iti 39-anyos a politician ket naminsan nga inawaganna ni Trump kas “America’s Hitler” ken sigud a pinagdudua-an na iti sigud a presidente.
Ngem nagbaliw ti judgement na kenni Trump agingga a nagbalin ni Vance a napinget a supporter iti “Make America Great Again” agenda ni Trump, a nag-focus iti trade, foreign policy ken immigration.
Kabayatanna, dagus a ngimmato iti stocks and shares iti naduma-duma a kompanya a kukua ni Trump kalpasan ti assassination attempt.
Karaman ditoy iti crypto stocks, gun stocks and shares a ngimmao ti 30 percent ken iti Trump Media & Technology Group, a majority-owned ni Trump ken parent company ti social media platform Truth Social.
